94 گەكتار ەگىستىك جەرى بار, وعان قانت قىزىلشاسى, داندىك جۇگەرى, جازدىق ارپا, كوپجىلدىق ءشوپ, قىزاناق ەگىپ, جيىرما بەس ادامدى ەڭبەكپەن قامتىپ وتىرعان قوجالىق ۇجىمىمەن كەزدەسكەن سەنات توراعاسىنىڭ ورىنباسارى «ەلباسى جولداۋىندا 5 جىل ىشىندە اگروونەركاسىپ كەشەنىندەگى ەڭبەك ونىمدىلىگىن جانە وڭدەلگەن اۋىل شارۋاشىلىعىونىمىنىڭ ەكسپورتىن, كەم دەگەندە 2,5 ەسەگە ارتتىرۋدى مىندەتتەدى. وسى سالاعا جاڭا تەحنولوگيالار مەن بيزنەس-مودەلدەردى ەنگىزۋدى تاپسىردى. بۇل ءۇشىن اگروونەركاسىپ كەشەنىنىڭ عىلىمعا نەگىزدەلۋىن ارتتىرۋ شارۋاشىلىقتاردى كووپەراتسيالاۋ باستى باعىت بولىپ تابىلادى», -دەپ اتاپ كورسەتتى.
سونىمەن قاتار, جۇمىس ساپارى بارىسىندا سەنات دەپۋتاتتارى بوتامويناق اۋىلدىق وكرۋگىندەگى س.ابلانوۆ اتىنداعى ورتا مەكتەبى مەن جاڭا وقۋ جىلىندا ەل يگىلىگىنە بەرىلگەلى وتىرعان ءۇش ءجۇز ورىندىق №4 مەكتەپ ليتسەيىنىڭ قۇرىلىس بارىسىمەن تانىستى. «ادامي كاپيتال – جاڭعىرۋ نەگىزى ەكەنىن ەلباسى ۇنەمى ايتىپ كەلەدى. بۇگىندە تەحنيكا مەن تەحنولوگيا كوز ىلەسپەس جىلدامدىقپەن تەز دامۋدا. پرەزيدەنت ءبىلىم بەرۋ باعدارلامالارىنىڭ نەگىزگى باسىمدىعى رەتىندە وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ مىندەتىن قويىپ وتىر. بۇل –مەكتەپ قابىرعاسىنان باستاپ, جوعارعى وقۋ ورىندارىنا دەيىن باستى تالاپ بولۋعا ءتيىس», – دەدى سەنات توراعاسىنىڭ ورىنباسارى ب.بەكنازاروۆ.
سونداي-اق, سەناتورلار كوكتال اۋىلىنداعى "دۋلات" شارۋا قوجالىعىنىڭ مال بورداقىلاۋ الاڭىنىڭ بۇگىنگى تىنىس-تىرشىلىگىمەن تانىسىپ, ونداعى جۇمىستارعا وڭ باعاسىن بەردى. "قازىر سەنات دەپۋتاتتارى بارلىق وڭىرلەردە ءجۇر. ولار وبلىستاردا حالىقتىڭ تىلەكتەرى مەن ۇسىنىستارىن دەپۋتاتتىق ساۋالدار ارقىلى نەمەسە دوڭگەلەك ۇستەلدەردە, ۇلكەن جيىنداردا كوتەرىپ, زاڭنامانى ۋاقىت تالابىنا سايكەستەندىرۋگە اتسالىسادى. قىركۇيەك ايىنىڭ باسىندا پارلامەنت كەزەكتى سەسسياسىن جالعاستىرادى. سوندا وسىندا ايتىلعان ماسەلەلەردىڭ بارلىعى ورتاعا سالىناتىن بولادى" -دەدى.
